قصة الغوص في اعماق الخطأ الجزء الخامس و الاخير

فيصل أرسلها كانت تدق على زوجي قال لها زوجي كيف أصدقك زوجتي ما تخرج من البيت قالت طيب بأرسل لك صورها مع الشباب يوم الجمعة الجاي قال لي زوجي إيش صار يبغى يشوف ردة فعلي لكني أنا ما أتأثرت وقلت له هذي صديقة حاقدة بكيفك تريد تصدق صدق لكن أول ما يجي الليل وزوجي ينام أقوم أبكي أبكي أبكي أجلس أبكي لين الفجر وأدعي عليه وأدعي عليه كنت منهارة نسيت قيمة زوجي وأطفالي عرفت إن هم السعادة الحقيقية فعلا وين أروح إذا طلقني زوجي لا أم ولا أب ولا أحد ما لي أحد إلا ربي وبعدين زوجي النهاية ما كان أحد يخفف عليا إلا صديقتي المخدوعة مثلي اللي عرفتها في المنتدى وأرسلت لي إيميلها كنا ندور على حل وإحنا ضايعين خطر على بالي أحد الأعضاء في المنتدى كان واضح من مواضيعه أو ردوده إنه رجال شديد الالتزام ومتدين أرسلت له رسالة وقلت له عن القصة فتعاون معانا وما قصر جاب لنا معلومات فيصل كاملة أرقامه سياراته مسكنة عمله حتى أسماء زوجاتها وأرقامها وقال لي اتصلي بالجهة هذي المخصصة عشان يأخذون أقوالك عشان يقدرون يوقفون فيصل عند حده كان من أصعب المواقف اللي مرت عليا في حياتي واجهت إحراج خوف وعزت عليا نفسي الصراحة كيف أرضيت لنفسي هذا المستوى من الانحدار أخذوا معلومات فيصل بالكامل رقم البنت اللي تدق على زوجي عشان يراقبونها هي كمان وأرسلت لهم قصتي مرة ثانية وقلت لهم إن في كثير بنات مخدوعات منه وما يعرفون حقيقته وإحنا ما قدرنا نوصل له مرت الأيام خوف قلق هم والبنت هذيك ما عادت اتصلت على زوجي وما أعطته أي صور مثل ما قالت لأنها باختصار كذابة استجاب ربي دعائي وصرف كيدهم عني ورجعت حياتي طبيعية كان درس صعب عرفت فيه إنه أي حب خارج حدود الشرع هو وهم و ظلال بعد هذا الدرس القاسي رجعت لربي ولقيت السعادة الحقيقية إللي كنت أفتقدها التحقت بحلقات تحفيظ قرآن قررت إني أحفظ القرآن كامل اغتسلت من ذنوبي وصرت إنسانة جديدة وعاهدت ربي إني أسخر قلمي في الدعوة حتى لو عن طريق هذي القصة حبيت إني أحط تجربتي بين يدكم بكل شجاعة أتمنى ما حد يتكلم لا عني ولا عن زوجي وأنا كتبت لكم قصتي زي ما هي وما كتبتها عشان أبرر لكم فعلت الخطأ فالخطأ واحد مهما اختلفت الظروف قصتي هي رسالة لكل شخص واهم في الحب اعتبروها رسالة إنذار من ربي مثل هذيك الرسايل اللي جتني .