السلام عليكم على احلى متابعين ....القصة اليوم تتكلم عن الثقه خلي نبدي سويه
الثــقـــــــــة الـزائــــــدة
قصة جديدة صلوا على النبي يلا نبدأ
قصتي بدأت من لمن كنا أنا وأختي الصغيرة وبنت خالتي نلعب على البي سي طبعا أنا وأختي وبنت خالتي علاقتنا مرة حلوة كنا كلنا نفس الأخوات طبعا أنا عندي أربع أخوات واثنين أخوان ما شاء الله تبارك الله الله يحفظهم وأنا قبل الأخيرة طبعا كانت بنت خالتي نفس أختنا بالضبط مرات تنام عندنا ونطلع مع بعض حتى لو عندنا إحنا طلعة إحنا يا الأخوات لازم الكل يسأل عنها وأختي الكبيرة أول ما بنطلع تقول دقوا على فلانة اللي هي بنت خالتي خلوها تجي معانا طبعا الآن شرحت لكم مدى قربها منا وفرق العمر بيننا سنتين جات فترة من الفترات كانت بنت خالتي وأختي الصغيرة أقرب لبعض فترة كذا معينة يعني كانوا مندمجين مع بعض أكثر مع إنه فرق العمر بينهم أكثر طبعا زي ما قلت لكم جت فترة كنا نلعب بي سي مع بعض لما تطور الوضع وصرنا نلعب مع بعض أونلاين إحنا في بيتنا وبنت خالتي في بيتها كنا ندخل في عالم الأون لاين لكن ما نلعب إلا مع بعض وما نضيف أحد غريب
تبدأ القصة من لما صار في جرأة أكثر وصار في إضافات وتواصل مع اللاعبين طبعا أنا كنت في الجامعة ما كنت أقدر ألعب كثير في البداية طبعا الشيء اللي قاعد يصير من إضافات كان شيء غريب بالنسبة لنا وأنا وأختي كنا خايفين بس بنت خالتي كانت أكثر جرأة وما تخاف كثير إلين ما جاء يوم من الأيام وأضفنا جماعة وإحنا كلامنا كان كله بحدود اللعبة طبعا في شباب كان كلامنا معهم كله بحدود اللعب أو يعني أشياء تخص اللاعبين بس إلين ما صار في شخص يلعب معنا وطبعا في محادثات في الشات بس بدايتها كانت بنت خالتي هي اللي تبدأ أول وتتكلم كثير مع هذا الشخص وكانت تقول لي إيش تكلموا عنه وإيش يقولون وكان شيء عادي كلها بحدود اللعب إلين مرة كانت تبغى ترسل له فيديو في اللعبة بس طبعا لسبب مشكلة ما ما قدرت مع محاولات ومحاولات قالت خلاص ضيفني على البرنامج الفلاني برنامج من برامج التواصل الاجتماعي عشان تقدر ترسل له الفيديو طبعا وقتها قلت لها كيف قالت ترى عادي وترى نفس الشيء الفرق صار إنه في برنامج وصار أسهل التواصل أنا وقتها اقتنعت وسكت إلين مرة سووا جروب عشان اللعبة هذي سووه في أحد البرامج وفعلا السوالف ما صارت تصير بس عن اللعبة كانت تجي كم سالفة قصة سوالف عادية يعني وصلت كم شغلة وكم مشكلة كذا لكن الوضع مستمر طيب ووين أختي الصغيرة في الموضوع أختي الحمد لله هاي الفترة طفشت من اللعب وانسحبت وبعدها صارت أحداث بدونها والحمد لله ما كانت موجودة أنا وقتها كان في واحد في المجموعة دائما أسولف معاه ودائما نتكلم مع بعض وأنا خلاص صرت أحس إن الموضوع عادي باختصار تعودت صرت عادي أسولف في أشياء ما تخص اللعبة ونتكلم إلين ما هو اقترح إننا نتكلم في برنامج ثاني وقتها حكيت بنت خالتي عن اللي قاعد يصير معايا قالت لي عادي وكلميه إيش فيها وأنا الغبية رحت كلمت وأضفته في برنامج ثاني وصرنا نسولف طبعا كلامنا كان عن أمور دراسية في تخصصاتنا لأنها كانت قريبة لبعض هو تخرج وأنا كنت دوبي لسه في بداية المشوار فصار في سوالف بيننا كثيرة إلين ما انتقلنا للبرنامج ثاني وكانت السوالف زي كذا طبعا لمن أقول انتقلنا لبرنامج ثاني إنه طلعنا من اللعبة ورحنا أضفنا بعض في برامج ثانية وطبعاموضوع ورا موضوع وسالفة ورا سالفة إلين ما صرنا كل يوم نتكلم وهو طبعا كان مستمتع لأني أنا من طبعي أحبه اسولف أنا من الشخصيات اللي تقدر تفتح مواضيع وتسولف وتسوي الجو وتمسك الليلة يعني باختصار أنا أحب الكلام أول ما أحصل أحد متفاعل معايا ما أصدق خبر وفعليا صار كل يوم يكلمني طبعا أنا كنت أحس إن الوضع غريب لكني مستمرة وأنا صراحة ماني من النوع اللي أربعة وعشرين ساعة امسك الجوال وأربعة وعشرين ساعة يكلم أوناس فكنت أختفي كثير طبعا هو ما شاء الله خبرة دقدقة بالكلام فقام سوى مشكلة وقال إن أنت ما تحترميني وإنك تجين وتختفين على طول بدون ما تتكلمين وأنا أتكلم في نص المحادثة فجأة أنت تختفين طبعا أنا كنت أشوف إني أختفي هذا شيء عادي بس يوم تكلم معايا اقتنعت وقلت له إني أنا ماني شخص اجتماعي على مواقع التواصل الاجتماعي قام طبعا يتكلم وإن هذا مو احترام وأنا أنا غسل مخي وقتها ورحت واعتذرت منه طبعا استمر الموضوع هذا إلين ما صاروأنا أرفض وهو يقول طب إيش الفرق كله نفس الشيء وأنا أقول لا مو نفس الشيء هو يجلس يلعب بالكلام بين فترة وفترةطبعا في معلومة مهمة هو يتواصل معايا ويتواصل مع قريبتي اللي هي بنت خالتي وصار في جروب بيننا إحنا الثلاثة نتكلم فيه لكن مرة قليل طبعا طول فترة معايا إلين ما أخذ الثقة مني للمعلومية ما كان سهل أي شخص أثق فيه بس ما أعرف كيف وثقت فيه وأخذ رقمي طبعا أنا ضد العلاقات طول عمري وإنه على أساس اللي بيني وبينه تحت مسمى الصداقة أو نقول إخوان ما أعرف كانت السوالف بيننا كثيرة كل يوم كل يوم نسولف طبعا أنا في كلام كنت أكرره له بين فترة وفترة كنت دائما أقول له إن إحنا ما ينفع نتكلم مع بعض
وبيجي يوم ترى من الأيام ما راح نتكلم أبدا مع إنه صار قريب مني وجزء من يومي طبعا هو أشكال رده كان يقول أنا أفكر باليوم مو في المستقبل واللي بينا عادي صداقة مو شيء والكلام اللي بيننا عادي ترى ما في شيء وإن أنتي نفس أختي ومن هذا الكلام طبعا من كلامي هذا حابة أوصل إنه ما في شيء اسمه
صداقة وما في شيء اسمه أنا نفس أختو وما يصير واللي سويته غلط وللأسف أنا اللي سمحت فيه المفروض ما أعطيه مجال يكون قريب مني لهذي الدرجة ما أدري ما كنت أفكر ونسيت مبادئي معاه كان كلامه يؤثر فيني ويقنعني ببعض الأشياء في أشياء يقنعني فيها بس في أشياء كثير لا طبعا تعودنا كل يوم نتكلم مع بعض كتابة وصلنا مرات أسبوعيا مكالمة ثانية يعني الوضع تطور أبغى أقول لكم سالفة صارت بيننا وكانت بنت خالتي جزء من الموضوع طبعا أنا كنت أتكلم عنها كثير لأني مرة أحبها وإنه جد لازم كل أسبوع لو مرة واحدة نلتقي فكانت بنت خالتي جزء من سوالفي معاها طبعا أنا وحدة ما أغطي وجهي محجبة لكن ماني منقبة صحيح إني ما أغطي وجهي لكني ملتزمة ملتزمة بأمور كثير فجأ اقتنعت وعقلي أنقلب وأنا أكلمه الموضوع إنه طلب صورتي بما إني ما أتغطى أو ما أتنقب طبعا سويت سالفة طويلة عريضة لين في النهاية أرسلت صورتي له بحجاب طبعا الصورة اللي أنا أرسلتها كنت أنا مع بنت خالتي وكنت قاصة صورتها لكن سبحان الله من الصورة هذي انفتح مجال وانفتحت سالفة اسمعوا طبعا الحمد لله ولا مرة أرسلت صورتي له من غير حجاب ووجهي ما في أي نوع من أنواع المكياج طبعا هذا أكبر غلط كل يوم أغلاطي قاعدة تزيد أغلاطي قاعدة تزيد من أول يوم قبلت إني أتكلم فيه معاه وعلى برامج ثانية طبعا بحكم إنه بنت خالتي كانت تسولف معاه هو بدأ يقارن بيني وبينها أحيانا يقول إن بنت خالتك أكثر جرأة منك على الرغم من إن في الحياة الواقعية أنا اللي جريئة وأنا اللي اجتماعية أكثر أنا كنت أقول أيوه صراحة في أشياء هي أكثر جرأة مني قبل هو قال لا وضرب لي مثال على الصورة قال تدرين إن هي أرسلت صورتها لي من غير ما أنا أطلبها طبعا الحمد لله هي أرسلت صورتها بحجاب المهم أنا قلت له من جد بنفسها قال أي يعني للأمانة وقتها أنا ما استغربت لأنها من البداية أكثر جرأة مني وسالفة جر سالفة فكان سالفة الصورة اللي أنا أرسلتها وطبعا واضح إن الصورة مكصوصة صار يقنعني أرسل الصورة كاملة وبحجة إنه هو ما يحب الأشياء المقصوصة أبو العذر اللي بريالين وأنا أقول له يا ابن الناس بنت خالتي كانت معي في الصورة يمكن البنت ما ترضى وما راح أرسل وجلست أقول له ما راح أرسل وطولنا وإحنا نتضارب إلين ما هو رسل لي صورة لبنت خالتي وقال هاه شوفيها ما هي هذي يعني يبغى يثبت كلامه طبعا أنا ب غباء مني اقتنعت يعني هو أرسل لي صورة بنت خالتي وهي راضية يعني قلت طيب بأرسل وبأحذف راسلت الصورة كاملة اللي فيها أنا وبنت خالتي وحذفتها على طول وعدى الموضوع ونسيتها استمرينا في الكلام سنة كاملة وطبعا وقتها خلاص كل شيء بان بشخصياتنا وحتى جوانب شخصيتي السيئة بانت وهوشخص انتقادي وصار ينتقدني في جوانب شخصيتي السيئة وكان يقول لي عليها ويقول من باب الفائدة وإنه أنا أقول لك عليها عشانك ترئ بس بنفس الوقت كان يقول لي إذا ما تغيرتي وغيرتي هذا التصرف والطبع الفلاني أنا بتغير لأني أنا ما أقدر أتحمل أسلوبك وبنفس الوقت يجلس يمدح ويقول إني طيبة ومدري وشو يعني يكثر من الاثنين مدح وانتقاد ما أقدر أنكر وقتها إنها كانت شخصيتي أسوأ وأنا أكلمه خاصة هذيك السنة ما أعرف حياتي كانت ضغط من كل النواحي وأتوقع أحد الأسباب إن هو كان يسبب لي توتر بالإضافة إلى الجامعة وكم حاجة ثانية كذا تأثر على نفسيتي من جد كنت أوقات كثير انفعالية وعصبية تجيني أوقات أنفعل عليه بأتفه الأمور أنفعل وما أقدر أنكر في أمور تستحق صراحة إني أنفعل وأعصب بس للأمانة أنا مباشرة أول ما أعصب على طول بعدها أعتذر فخلال هذي السنة كم اعتذرت أكرر اعتذاري أكثر من مرة وطبعا هو يلعب دور الدراما وإن عصبية تتأثر فيه ويأخذ له فترة إلى أن يرضى يوم أو ساعات يعني ما أفهم هذا عقاب ولا يبغاني أحس بتأنيب الضمير وفعلا كنت دائما أحس بتأنيب الضمير اكرر اعتذاري له كثير ويحسسني إنه هو مظلوم طبعا الموضوع مو بس لما أنفعل فعليا على أمور كثيرة أعتذر خليني أعطيكم مثال صغير مرة كنا نتكلم في الليل إلين وقت متأخرأذن الفجر وروحت أصلي ونمت بعدها على سجادة الصلاة وقمت بدون شعور ورحت أكمل نومتي على سريري طبعا اليوم الثاني سوى لي مصيبة إني أنا انتظرتك وأنا تري كنت نعسان وكيف تسحبين ( يتبع )
ملاحظة : جميع الحقوق محفوظة لأصحابها ولموقع برج المعرفة على الانترنت
انتهى الموضوع شكرا (لك / لكِ)
مهم لك عزيزي الزائر الكريم شرفتنا ونحب تواجدك معنا
التعريف بالموقع : هذا الموقع تابع لبرج المعرفة بشكل رسمي وكل ما ينشر في الموقع يخضع للمراقبة وموقع برج المعرفة غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع برج المعرفة اي مسؤولية قانونية حيال ذلك