معنى الانتساب بشكل مبسط لطلاب المدارس للعام الدراسي الجديد 2024 2025
التربية توافق على الدوام بالانتساب 2025
بعد موافقة وزارة التربية لنظام الانتساب نقدم لكم معلومات مبسطة عن الانتساب وكيف من الممكن الاهل والطلاب يستفادون من نظام الانتساب
شنو هو نظام الانتساب ؟ وإيجابياته وسلبياته
الانتساب : هو نظام يشبه نظام الخارجي كلش تبقى بالبيت تدرس وحدك بدون دوام ولا شي ، فقط مطلوب منك تروح لامتحان نصف السنة وهاي هي !! يبقى عاد عندك فقط الامتحان الوزاري النهائي وخلاص انتهت السنة وبس.
ملاحظة : مطلوب منك انك تنجح بخمس مواد بنصف السنة يلا تتأهل للامتحان الوزاري ( يعني مثل الامتحان التمهيدي لطلاب الخارجي, شرط أنه ينجحون ب 5 مواد او 4 مواد يلا يتأهلون ؟ فالإنتساب هم لازم تنجح ب 5 او 4 مواد بنصف السنة يلا تتأهل حسب العدد إلي تشرطو وزارة التربية.
ايجابيات نظام الانتساب : لأنه انت كاعد تدرس بالبيت بلا مصروف خط !!! وقت هواية وماكو مصاريف ولا مصروف ملابس والوقت كلو الك ، تدرس ايمت ما تحب وتنام وتكعد ایمت ما تحب.
سلبيات نظام الانتساب : ماكو رقابة عليك ! محد يجبرك انك تمتحن يومي او شهري ، بين أربع حيطان والموضوع على هواك.
انتبه : اغلب وقتك ممكن يصير عندك ملل وخمول وتضعف عزيمتك ! ماكو تحدي ومنافسة بينك وبين الطلاب مثل بالدوام ! تكدر تحاسب نفسك وتترك الملهيات لمن كاعد بالبيت ؟ تجبر نفسك أنك تدرس وتجتهد وتمتحن نفسك بالاسئلة الوزارية إلى بيوت شبكة نيوتن التعليمية ؟ الوقت الفائض عندك هل حيغرك ويخليك تتعلم ع التسويف وتأجيل الدرس للغد ؟ ها ؟ لازم تخلي هاي الأمور ببالك ، لأنه الطالب الي يروح للمدرسة ويشوف الطلاب وجو الدرس ما مثل إلي متربع بالبيت واضح ؟ لازم هاي الأمور تفكر بيها ، فكر بهاي الأمور زين يلا تقرر لأنه بالنهاية اذا ما تحاسب نفسك محد حيحاسبك وحتخسر انت تمام ؟
الكتاب الرسمي الخاص بالدوام بالانتساب : تحية طيبة استناداً إلى قرار هيأة الرأي بجلستها رقم (١٥) المنعقدة الكترونياً بتاريخ ( ٢٠٢٤/٩/٢٣) المبلغ البنا بموجب كتاب مكتب الوزير هيأة الرأى ذي العدد ( ٤٠٤٣) في ۲۰۲۳/۹/۲٤) المتضمن الموافقة على دوام التلاميذ والطلبة بالانتساب للعام الدراسي ( ۲۰۲٥/٢٠٢٤) وفق الضوابط الاتية : للتلاميذ والطلبة الراغبين بالدوام بالانتساب دون قيد أو شرط.
انتهى الموضوع شكرا (لك / لكِ)
