قصة اليوم ( قــوة الأرادة تصنــع المستحيــل )( القصة كاملة )

انا بنت عمري 19 سنه اعاني من مرض اسمهالحفل العضلي جاني هذا المرض وانا بعمري التسع سنوات بدايته صرت نحيفه مره وما فيني حيل بعدها بفتره رحت لدكتور وقال ما فيها شيء نقص فيتامينات ما فيها اي شيء ثاني طبعا احنا توقعنا ان خلع ولاده وقال لا لا لا ما فيها الا العافيه طبعا عمري ما اسامحه كل فتره تصير حالتي اسوا صرت اطيح كثير رحنا لدكتور ثاني قال عندها مشكله بالعصب لازم عمليه عشان نطول لها العصب وما وافقنا لان كثير ناس قالوا احتمال انها ما تمشي بعد العمليه غيرنا الدكتور وشخص حالتي بمرض حثل العضلي كل ما كبرت بتصير حالتي اسوا وما راح اعيش اكثر من 14 سنه طبعا الاعمار بيد الله لكنهم يقولون بعد 14 سنه خلاص الموت وما في له علاج نهائيا لان المرض هذا نوعين واحد له علاج والثاني لا وانا اللي فيني ما له علاج وقال من الاخر خذوها البيت وادعوا لها ولا تاخذونها للدكاتره وتعذبها ما في له علاج حتى بدول برا كنت بعمر صغير وكان يتكلم قدامي كذا حطم فيني تحطيم والله ما اوصف لكم حالتي كيف انا وامي لما رجعنا البيت متحطمين اهلي كلهم متحطمين بعدها بفتره صارت تبين علي اعراض المرض صرت لو مشيت خطوه اطيح ودايم فيني نغزات بقلبي ومكتومه ورحنا للمستشفى عشان اشوف اي وضع الكتمه ونغزات القلب سال عن وضعي واعطانا اسم دكتور وقال لنا انه كويس وفعلا رحنا له وشخص حالتي بنفس المرض وصدق ما في له علاج بس في علاج يعني يبطئ المرض يقوي لي العضلات والعلاج الطبيعي كمان يساعدني وقالوا لو انكم مشخصين هذه الحاله قبل ما يصير عمرها خمس سنين في ابره لهذا المرض لكن بعد الخمس سنين ما ينفع تاخذين الابره وصرت اتعالج عند هذا الدكتور لكن بعدهابفتره وقفنا وصارت لنا ظروف شخصيه وصارواالجيران يقولوا لنا على علاج اعشاب وماادري ايش ومن هذا الكلام يقولون ينفع لهذاالمرض لكن ابدا كل الاشياء هذه ماكانت تحسن وضعي ولا واحد في كانوا يقولون لا عا تعذبون عالجوها بالاعشاب احسن من المستشفى والعلاجات في شخص قال ليش تاخذونها على المستشفى وتعالجها وتخسروني هي ميته ميته يعني لا تاخذينها وتعالجها لكن امي مرضتبهذا الشيء ما خلى الدكتور الا واخذتني له كل واحد يشخص بكيفه ما عد نعرف من الصادق والكذاب بفتره قالوا لنا على دكتور وعلى اساس انه مره كويس واذكر قال لامي طلعيها بره وادخلي انت بس واتذكر وقت اني جلست ابكي واضرب الباب واقول له ادري اني بموت ليه ما تتكلم قدامي جلست اتسمع من عند الباب اسمع يقول الاي هذا المرض خطير ونادر جدا ومستحيل يكون له علاج واصلا ما بتمشي كثير لان الحثل يمشي بالعضل كل ما كبرت كل ما وصل لعضل واذا وصل لعضله القلب ما راح تعيش وحتى لو عاشت بتنشل او تنعمي ما لنا الا الدعاء ما في علاج له كنت دايم احب اروح المدرسه على اني اطيح اكثر من عشر مرات الين بس اوصل لكني ما استسلمت كنت ما اوصل الا يدي ورجلي الله يكرمكم كلها جروح كانوا يتنمرون علي وعلى طريقه مشي كنت ابكي دايم اشوفهم ما شاء الله كيف يمشون ويركضون ويتحركون وانا لو مشيت خطوه طحت كنت اسال نفسي بيجي يوم واصير زيهم كنت بس اطالع كيفهم يركضون وانا ما اقدر كنت مره اتضايق من هذا الشيء لان اللي بكبر يركضون ويلعبون وانا ما ا عش طفولتي زيهم كنت بس اتمنى لو اقدر العب معاهم ابغى العب زيهم بس كان صعب امشي كثير ولا اقدر اركض كنت اقول في نفسي انا ليش كل شويه اطيح وليش يطقطقون علي ما كنت اقدر اقول لاحد من اهلي ما ابغى يتضايقون بسببي اذكر في مره طحت كان في بنت دائما اهاوش ما احبها لما طحت كلهم جلسوا يطقطقون علي ويضحكون لكن البنت هذه اللي اكرهها هي الوحيده اللي جت وساعدتني واعطتني مويه وقومتني ومن يومها وهي اقرب شخص لي بالمدرسه صرت دائما لما اروح المدرسه هي اللي اتسند عليها كل شيء ابغاه تسويه لي لكن الان ما اعرف عنها شيء اتمنى انها تكون بخير الله يسعدها بعدها بفتره وقفت دراسه لان تعبت منهم وصار صعب علي اروح المدرسه صارت يدي ورجلي كلها جروح بس لاتني كملت لان الجلسه بالبيت ملل ما اروح ما اطلع ولا احد يجيني صديقاتي كانوا يتجمعون مع بعض لما كنت اسالهم ليه ماجوني كانوا يقولوا لي بكل بجاحه جوك خايس ما عندك شيء نتسلى فيه طيب يعني ليه ما تقولوا لي اجيكم لما تتجمعوا يعني كانوا يقولون ما تقدرين طبعا الصديقات هذول اللي اتكلم عنهم اللي هم بنات الجيران كنت دائما اطل عليهم من الدريشه كيف يركضون ويلعبون يروحون ويجون مره بالعيد كنت دائما اروح معهم نعيد بس هالعيد كان وضعي صعب كل البنات تجمعوا وراحوا سوا الا انا انهرت يومها جلست ابكي والله هذا الشيء اللي قاعده اقوله لكم حتى اهلي ما يعرفون فيه ما كنت احب افضفض لاحد واليومي هذا ما احب اقول لاحد ايش فيني ما ابغى اكون طاقه سلبيه كنت اقول لامي خلينا نجرب دكتور اخر مره نجرب دكتور بس كان عندي امل اني ارجع زي اول وفعلا بعد فتره رحنا لدكتور وقال اللي في مو حثل العضلي اللي فيك ضمور عضل ومستحيل الضمور العضل يخليني اكبر بجلس كانني بعمر العش سنوات واصعب من الحثل العضلي ما في حتى له علاج يبطا المرض ما في شيء يساعدني ولا حتى مسكنات ويمكن يجيني منه شلل كل ما اروح الدكتور يحطم فيني كيس رمل مو ادميه الوسواس لاعب فيني لدرجه كل يوم كنت اجلس افكر كيف بموت وكيف بيكون وضع اهلي كل دكتور نروح لها يقول مستحيل تتشافى يمكن ما تكمل 14 سنه وحتى اذا ما ماتت يصير فيها شلل ولو ما صار فيها شلل بتنعم كنت اقول ليش كل هذا يصير فيني انا ايش سويت كنت صغيره ما كنت اعرف ان الله اذا احب عبدا ابتلاه وان ربي بيعوضني بالاحسن اذا مو في الدنيا في الاخره وانا الان راضيه بكل شيء في حياتي صار كل فتره يصير وضعي اصعب جبت جهاز على البيت عشان اتمرن عليه عشان ما انشل مثل ما قال الدكتور لما صار عمري 12 تعبت مره لدرجه حتى النفس لما اتنفس قلبي يعورني فيني خمول والم كنت احسب خلاص هذا الموت كنت بس اطالع في اهلي واصير وابكي كيف بموت كيف اخليهم كان عقلي على قدي رحت للدكتور وقال ان اللي فيها برد مااله صلاح بالمرض وقال صح ان المرض كل ما كبرت كل ما اثر على صحتها وعضلاتها بس الاعمار بيد الله وبعضهم يعيشون لين 50 60 سنه ما في عمر محدد وقال ان كلام الدكاتره اللي قبلي

واللي قالوا لكم هذا الكلام كلام كله فاضي ولا تسمعون لهم ما احد يعلم الغيب الا الله ليش تصدقين هنا احس اني ارتحت من كلامه مره طمني رجعت البيت وجلست على هذا الوضع تعبانه فتره بعد صرت اتعالج عند هذا الدكتور وتحسنت كثير صح اني على وضعي اطيح بس حيلي صار اقوى صرت مرتاحه نفسيا لكن للاسف واجهتني ظروف وما عاد صرت اقدر اروح للدكتور هذا ورجعت حالتي زي قبل واسوا وصرت كل ما امشي خطوه اطيح صرت دايم بس مكتومه ولا اقدر اتحرك بالليل اقوم على اربعه ولا احد يساعدني كنت اكره احد يساعدني احس نفسي ثقيله عليهم واقول ليه اعذب وليه اصير هم عليهم اما الناس ما نخلص منهم ومن كلامهم كانوا يجوني يقولون انت ما عندك اراده انت دمرتي نفسك وانت جلستي جالسه الين ما صار فيك زي كذا والى الان اسمع هذا الكلام يحسسوني اني انا راضيه بهذا الوضع وانا حطيت بنفسي المرض وانا اللي خليت حالتي تصير اسوا بدل ما يشجعوني ويجوني يزيدونه علي عمري ما راح

اسامحهم فوق اللي فيني دمروا نفسيتي واغلبهم سيسمعون القصه وخلوها تبرق وترعد بعد ما يهم المهم ذكروا لنا دكتور مه بنفس المدينه اللي احنا فيها ورحنا له وشخص حالتي وقال فعلا في الحثل العضلي فيه له علاج يوقف هذا المرض بس العلاج مو نازالان في الاسواق مو نازل العلاج هذا بعد سبع شهور يجي ارجعي لي بعد سبع شهور ان شاء الله وقتها يكون جا الدواء اعطاني وقتها علاج يقوي لي العضلات كنت اخذ منه نص حبه لانه كان قوي جدا الدواء وما ينفع لعمري والحمد لله على العلاج شويه تحسن وضعي صرت امشي من غير ما احد يساعدني وصرت اسوي علاج طبيعي في البيت والحمد لله تحسنت اكثر بس للاسف الدكتور نقل من مدينته ولا عاد نعرف عنه شيء والعلا اللي كنت اخذه عشان يقوي لي عضلاتي انقطع وما عاد يتوفر وحالتي بدات ترجع للاسوا ظهري صرت ما عاد اقدر انسدح عليه ورجولي ما اقدر امدها كويس اموت من الالم تدمرت حالتي جدا اخذوني اهلي للمستشفى وقالوا لازم ناخذ منها خزعه عشان نتاكد من المرض لانه هو نوعين واحد له علاج وواحد لا اخذوا مني خزعه ومن ثالث يوم صار وضعي صعب  يدي ما عاد اقدر امسك فيها شيء ومكان الخزعه ورم انا احسب انه شيء عادي يعني بس لا كل فتره تصير اسوا ما اقدر ارفع يدي ولا اشيل فيها شيء وجنبي اليسار صار كله ثقيل حاولت اني امشي بس للاسف لو بس وقفت اطيح على طول على طول اطيح صار بس لو احد لمسني وانا جالسه اطيح يومها تمنيت الموت تدمرت حياتي بعد هذه الخزعه وما عاد ادري بيجي اليوم اللي برجع امشي فيه خطوه واحده بس كنت دائما بس ابكي والخوف ملازمني طول وقتي خايفه من اتفه الامور ويشوفوني نفسيه بس انا مو كذا انا تعبت من حالتي ووضعي ما ادري كيف افهمهم كنت دائما بقلق وخوف ما ادري هل برجع زي قبل ولا لا تصير حالتي اسوا هل بيجي يوم اروح انا بنفسي اجيب لي الشيء اللي ابغاه بدون ما اقول لاحد جيب لي كان براسي تساؤلات كثير بعدها بفتره رحت للدكتور وقلت له قبل الخزعه كانت يدي طبيعيه واقدر امشي قال احتمال انهم ماخذين الخزعه من العصب بس بالتمارين ان شاء الله بترجعين استمريت فتره بعد انقطعت عن الدكتور بسبب انه صار وضعي صعب اني اروح له كنت اتضايق من انهم يشيلوني ما كنت احب احد يشيلني وللان ما احب احس نفسي قاعده اعذب احس اني ثقيله عليهم وقفت ما صرت اروح للدكتور هذا ولا لاي دكتور كلت امري لله وكلام الناس ما اخلص منه اعرف ان يتكلمون لمصلحتي بس يجرحوني لمما يقولون ما عندك اراده انت عاجبك وضعك شوفي اللي بكبرك يروحون ويجون ما ودك تكونين زيهم شوفيهم كيف يركضون ويلعبون وانت بس جالسه على اساس بيدي على اساس اقدر اصير زيهم بس انا ما ابغى هم كذا كلامهم بدل ما يشجعون يجرحون والله ما انسى نفسيتي اتعبت اهاوش على اتفه الاسباب اسلوبي كيف صار ما اطيك احد ولا ابغى اسمع احد ابغى اجلس لحالي كنت دائما جالسه مع نفسي وكل تفكيري كيف كل هذا صار بحياتي وكيف برجع طبيعيه كيف ابغى ارجع زي قبل مااني نفسيه حسيت كرهت الكل فيني ما كنت ابغى اسمع اي احد بعدها بفتره بدوا يقولون انها عين حسد وناس تقول مس وسحر ما عرفت ايش اسوي من كلامهم بعد ما اقنعوني لاهلي رحنا لشيخ ونشوف اذا صدت كلامهم ولا لا جلس فتره يقرا علي وقال بس حافظي على الصلاه وافكارك جلست اقرا قران لمده 40 يوم بعدها ما عاد قدرت اقرا قران حتى الصلاه اغلط فيها كنت لما اصلي اعيدها ثلاث اربع مرات احس نفسي مثلا نسيت ركعه نسيت شيء في الصلاه وانا عارفه نفسي ان صليت صح دايم لازمني صداع وصد دائما اشوف اشياء اعوذ بالله احيانا يكون شيء اسود واشوفه كذا جالس فوقي او عند راسي وانا نايمه كنت اصارخ احس احد بيذبحني كنت دائما احلم بثعبان جاي يقرصني بس بمكان القرصه كنت اقول الاهلي يقولون مستحيل قاعد يتخيل لك رحنا لشخ ثاني وقال نفس كلام الشخ الاول بعد فتره صرت احس رجولي ثقال مره ويدي ما اقدر اشيل فيها شيء دائما نغزات بقلبي دائما صداع ودائما نفسي مسدوده احيانا اكره الناس كرهها لدرجه حسيت ان فيني مرض نفسي بعد ما اعصب عليهم اجلس ابكي اقول انا ليش سويت كذا رحت لدكتور وقال يمكن من المرض ويمكن تنشل للمعلوميه انا اقدر احرك يدي ورجولي بس ما اقدر اشيل شيء يعني ولا اقدر امشي وقفت ما عاد رحت لاي دكتور ولا ابغى شيء خلاص رضيت باللي ربي كاتبه لي كل ما جتني ادميه قالت

شفتي لوين وصلتي نفسك وانت بس جالسه عل الجوال حرام ارحمي امك ارحمي اخواتك ساعديهم يتعبون هم يشيلون مره كانوا يضايقوني بكلامهم هم يحسبون يتكلمون كذا عشاني ما يدرون انهم يجرحوني كان كل وقتي على الشباك اناظر الناس البنات ما كنت اقدر اقول لاي احد عن اللي بداخلي وعن القهر اللي فيني كنت دائما ادعي ان ربي

ياخذني كنت يائسه من هذه الحياه بعدها بسنتين رحنا لدوله ثانيه عشان علاج ل ومره واحده نشوف خوالي بعد غياب 11 سنه سكنا بنفس المدينه اللي فيها خوالي كنت مره متفشله من وضعي كيف ما اقدر اوكل نفسي زين ولا اقدر اسوي اي شيء لنفسي كيف بيلوني قدامهم وكيف اكون بالعربيه كنت متفشله من نفسي لكن هم ما اوصف لكم كيف تعاملهم معاي

 ولا حسسوني بتعبي ولا كان فيني شيء والله اني رحت عند خوالي نسوني تعبي ما اوصف لكم كيف تغيرت حياتي مع خوالي وخالاتي وعيالهم والبنات خالي كان دائما يشجعني ويقول لي ربي اذا حب عبدا ابتلاه خالي ما كان بس خال كان سند وقوه بالنسبه لي هو اللي يطلعني هو اللي يمشيني ويفهمني من نظره ويعرف ايش اللي بخاطري حتى لما اتضايق يعرف من غير ما اتكلم خلاني ارضى الحمد لله رضيت باللي انا فيه لان هذا من ربي خوالي الباقين بعد ما قصروا معي الله يطول بعمرهم وما انسى فضل امي عل تحملت اشياء كثيره تحملتني انا ووضعي كانت تشيلني علىالدرج تطلعني وتنزلي تكسر خاطري احاول انياطلع لحالي او حتى انزل لكني اطيح ال000مره اتمنى الموت بكل مره تطلعني امي ولا

تشيلني ولا حتى تتعب بسببي كانت هي تسوي لي كل شيء تروشني تساعدني تجيب لي اكل تعطيني علاجي افتخر بانها ام ليه يكفي من الدنيا انها ربتني ربتني تربيه سليمه وفي وقت وزمن كانوا يشوفونها انها ما تقدر خواتي هم قوتي وقت ضعفي اذا طحت دائما هم يقومون يهتمون بمواعيدي بعد ما كبرت امي ما ارضى انها تكون معاي وتتعب ابغاها بس

ترتاح اخويا وحيد الله يخليه لنا سندنا دائم يحاول يساعدني ويسعدني طبعا ما ذكرتابويا بالقصه لانه كان بدوله ثانيه ثانيه

الله يحفظه ويطول بعمره بعدها بفتره حملت احد برامج التواصل الاجتماعي وتعرفت على اربع بنات صارت حياتي من احلى ما يكون قريبين مني مره وافضفض لهم وصحبه صالحه انشاء الله الحمد لله اهلي وخوالي معاي وتغيرت نفسيتي وصرت احب الحياه واكبر داعملي بحياتي هو خالي صرت ما اترك سورهالبقره والحوقله والحمد لله رب العالمين

ربي عوضني بناس حببوني بالحياه ورضيت باللي فيني لان هذا ابتلاء من الله والله اذا احب عبدا ابتلاه وانا الى الان اعان يمن المرض وللان كل ما كبرت حالتي صارت اسوا فلا تنسوني من دعواتكم اني ارجع امشيواخر شي ممكن اقوله لكم الله يجبر خواطركمالين ما تحسون ان الارض ما تتحمل من شدهالفرح ويوسع عليكم حتى تنسى صدوركم شكل الضيق انتهت القصة النهايـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة